संदीप कांबळे, विशेष प्रतिनिधी
कामठी :- अयोध्या नगरीत प्रभू श्रीराम मंदिरात मूर्तीची जानेवारीमध्ये प्रतीष्ठापना होणार आहे,त्यानिमित्ताने कामठी शहरात प्रत्यक्ष अयोध्या येथून आलेल्या पूजीत अक्षीत कलशाची यात्रा आज 1 जानेवारीला फटाक्यांची आतिषबाजी व ‘जय श्रीराम ‘नामाच्या जयघोषात काढण्यात आली.
श्रीराम मंदिर तीर्थक्षेत्र अयोध्या पूजित अक्षित कलशाची मिरवणूक आज 1 जानेवारीला दुपारी 1 वाजता श्री गंज के बालाजी मंदिरातून काढण्यात आली. जय श्री राम नामाचा जयघोष करीत उत्साहपूर्ण वातावरणात अयोध्येतील रामलल्लांची मूर्ती असलेल्या मंदिराच्या गर्भगृहात पूजन करून आलेल्या अक्षतांची मंगल कलश यात्रेत अनेक महिला पुरुष व तरुणाई मंडळी सहभागी झाले होते.
अनेक महिलांनी डोक्यावर कलश घेऊन भव्य शोभा यात्रेत सहभाग नोंदविला होता.ही मिरवणूक श्री गंज के बालाजी मंदिरातून निघताच जयभीम चौक,यादवनगर,जयस्तंभ चौक, गोयल टॉकीज चौक,गांधी चौक,चावडी चौक,नेताजी चौक,दाल ओली नं 2 मार्गे राम मंदिर येथे पोहीचली.अक्षीत कलश यात्रेचे ठिकठिकानी भाविकांनी दर्शन घेतले.या शोभायात्रेने येथील वातावरण भक्तीमय बनले होते.ही अक्षीत कलश यात्रा राम मंदिरात पोहोचताच येथे महाआरती करून समारोप करण्यात आला.
