– केंद्रीय मंत्री नितीन गडकरी सहकुटुंब करणार अथर्वशीर्षाचे पठण
नागपूर :- श्री गणपती अथर्वशीर्ष पठण सोहळ्यासाठी श्री क्षेत्र आदासा सज्ज झाले आहे. केंद्रीय रस्ते वाहतूक व महामार्ग मंत्री ना.नितीन गडकरी यांच्या संकल्पनेतून दि. २९ ऑक्टोबरला (रविवार) अथर्वशीर्षाचे सामूहिक पठण होणार आहे.
ना. नितीन गडकरी स्वतः सहकुटुंब या सोहळ्याला उपस्थित राहणार असून भाविकांसोबत ते अथर्वशीर्षाच्या २१ आवर्तनांचे पठन करतील. २९ ऑक्टोबरला सकाळी ७ वाजता हा कार्यक्रम सुरू होणार असून भाविकांनी सकाळी साडेसहापर्यंत कार्यक्रमस्थळी पोहोचणे अपेक्षित आहे. आयोजन समितीच्या वतीने नागपूर शहर व जिल्ह्यातील भाविकांना आमंत्रित करण्यात आले आहे. गेल्या पंधरा दिवसांपासून या सोहळ्याची तयारी सुरू आहे. जिल्ह्यातील भाविकांमध्ये उत्साहाचे वातावरण असून एका अनोख्या सोहळ्याचे साक्षीदार होण्याची सर्वांमध्ये उत्सुकता निर्माण झाली आहे. विविध समाजसेवी संस्था, संघटना, धार्मिक प्रतिष्ठानांसोबतच भाविक आपल्या कुटुंबासह या उपक्रमात सहभागी होऊ शकणार आहेत. या कार्यक्रमाशी संबंधित माहितीसाठी मा. मंत्री महोदयांच्या खामला येथील जनसंपर्क कार्यालयात प्रत्यक्ष किंवा ०७१२-२२३९९१६ या क्रमांकावर संपर्क साधावा, असे आयोजन समितीने कळविले आहे.