नागपूर :- पोलीस ठाणे प्रतापनगर हद्दीत प्लॉट नं. ४, धरमपेठ हाऊसिंग सोसायटी, दिनदयाल नगर येथे राहणारे फिर्यादी अरविंद मुरलीधर नागले वय ७१ वर्ष हे आपले राहते घराला कुलूप लावुन परिवारासह पुणे येथे नातेवाईकाचे घरी गेले असता त्यांचे शेजारी राहणारे यांनी त्यांना घराने दाराचे कुलूप तुटल्याचे व चोरी झाल्याचे सांगीतले. फिर्यादी यांनी येवून पाहणी केली असता कोणीतरी अज्ञात चोरट्याने फिर्यादीने घराचे मुख्य दाराचे कुलूप तोडुन घरातील एच.पी, डेल व लेनोवो कंपनीचे तिन लॅपटॉप, सोन्याचे टॉप्स अमेरीकन डॉलर व रोख ८८,०००/- रू असा एकुण १,८३,०००/- रू चा मुद्देमाल चोरून नेल्याचे दिसले.
याप्रकरणी फिर्यादी यांनी दिलेल्या तक्रारीवरून पोलीस ठाणे प्रतापनगर येथे सपोनि चौधरी यांनी आरोपीविरूध्द कलम ३३१(३), ३३१ (४), ३०५ भा.न्या.सं. अन्वये गुन्हा दाखल केला आहे. आरोपीचा शोध व पुढील तपास सुरू आहे.
