नागपूर :- पोलीस ठाणे नंदनवन हद्दीत, प्लॉट नं. २५, सहकार नगर, विनायक हार्डवेअर मागे, खरबी रोड, नंदनवन, नागपुर येथे राहणारे फिर्यादी नामे कमलाकर श्रीराम पेशने, वय ६४ वर्षे हे त्यांचे घराला कुलूप लावुन परीवारासह यवतमाळ येथे लग्नाचे कार्यक्रमाकरीता गेले असता, कोणीतरी अज्ञात चोरट्याने फिर्यादीचे घराचे मुख्य दाराचे कड़ी-कोंडा, कुलुप तोडुन, घराचे आत प्रवेश करून, घरातील लोखंडी आलमारीतील सोन्याचे दागिने व रोख ६,०००/- रू. असा एकुण २,३९,०००/-रू. चा मुद्देमाल चोरून नेला.
याप्रकरणी फिर्यादी यांनी दिलेल्या तक्रारीवरून पोलीस ठाणे नंदनवन येथे पोउपनि, गुजर यांनी अज्ञात आरोपीविरूध्द कलम ४५४, ४५७, ३८० भा.द.वि. अन्वये गुन्हा दाखल करून, आरोपीचा शोध घेत आहेत. पुढील तपास सुरू आहे.