नागपूर :- पोलीस ठाणे वाठोडा हद्दीत प्लॉट नं. २२६. जय जलाराम नगर, वाठोडा, नागपुर येथे राहणारे फिर्यादी मोहन गोविंदराव बावनकर, वय ६३ वर्षे, हे त्यांचे राहते घराला कुलूप लावुन परीवारासह नातेवाईकाकडे चंद्रपुर येथे गेले असता, कोणीतरी अज्ञात चोरट्याने फिर्यादीचे घराचे दाराचे कुलूप तोडुन, घरात प्रवेश करून बेडरूममधील लोखंडी आलमारीतील सोन्याचे दागिने व रोख ८०,०००/- असा एकूण किंमती २,५४,०००/- रू. मुद्देमाल चोरून नेला.
याप्रकरणी फिर्यादी यांनी दिलेल्या तक्रारीवरून पोलीस ठाणे वाठोडा येथे पोउपनि चव्हाण यांनी अज्ञात आरोपीविरूध्द कलम ४५४, ४५७, ३८० भा.द.वि. अन्वये गुन्हा दाखल करून, आरोपीचा शोध घेत आहेत. पुढील तपास सुरू आहे.
