संदीप कांबळे,कामठी
कामठी ता प्र 1:- कामठी शहरातील रहिवासी शिक्षक क्षेत्रातील रामटेक येथील महात्मा ज्योतिबा फुले शाळेचे मुख्याध्यापक व मनमिळावू स्वभावाचे धनी धीरज यादव यांना सामाजिक कार्यात केलेल्या उल्लेखनीय कामगिरीबद्दल ‘महाराष्ट्र प्रेरणा पुरस्कार -2022’प्रदान करण्यात आला.
राष्ट्रसंत तुकडोजी महाराज जयंती व महाराष्ट्र दिनाच्या पूर्वसंध्येचे औचित्य साधून भंडारा येथील डॉ बाबासाहेब आंबेडकर सामाजिक न्याय भवनात ‘महाराष्ट्र पुरस्कार प्रेरणा’पुरस्कार प्रदान सोहळा आयोजित करण्यात आला होता.याप्रसंगी कार्यक्रमाचे आयोजका तर्फे उल्लेखनीय कार्य करणाऱ्या व्यक्ति व संस्थांना पुरस्कार प्रदान करण्यात आले.यानुसार दैनिक देशोन्नतीचे मुख्य संपादक व लोकनायक प्रकाश पोहरे यांच्या हस्ते मुख्याध्यापक धीरज यादव यांना हा पुरस्कार प्रदान करण्यात आला.याप्रसंगी भंडारा जिल्ह्याचे जिल्हाधिकारी संदीप कदम, भंडारा जिल्हा पोलिस अधीक्षक वसंत जाधव, शिक्षक नेते मिलिंद वानखेडे,स्तंभलेखक खिमेश बढिये आदी उपस्थित होते. 
