संदीप कांबळे, विशेष, प्रतिनिधी
कामठी :- कामठी शहरातील व कामठी शहरालगत असलेल्या पारंपारिक मातीचे मूर्तिकार व कारागीर यांचा चरीतार्थ त्यांचे व्यवसायावरच अवलंबून असून अत्यंत परिश्रमाने घाम गाळून तयार केलेल्या मुर्त्या व अन्य सामग्री सजावटीचे सामान सणासुदीला व श्रीकृष्ण जन्माष्टमी, गणेशोत्सव, लक्ष्मीपूजन या सर्व सणात आवश्यक असलेल्या पूजेच्या देवी-देवतांच्या तयार केलेल्या मुर्त्या,व अन्य साहित्य विक्री करिता नगर परिषदेने कोणत्याच प्रकारची व्यवस्था न.प. संकुलातील गाळे रिझर्व न ठेवल्याने यांना आपले उत्पादन विकण्यासाठी तयार केलेले मुर्त्या विकण्यासाठी बाजारपेठेत कुणाचे तरी रिकामे गाळे शोधावे लागतात. त्यात अत्यंत परिश्रमाने वर्षभराच्या उदरनिर्वाहासाठी चालवलेल्या या लोकांच्या परिस्थितीचा फायदा घेत रस्त्यावर जरी दुकान टाकले तरी यांच्या दुकानासमोर दुकान लावले ते सुद्धा त्यांना मदत न करता त्यांच्याकडून भरपूर रक्कम उकळतात. नगरपरिषद कामठी यांनी कधीही अशा लोकांचा विचार केला नसल्याने या गंभीर बाबीचे निवेदन आज नागपुर जिल्हा संघटक प्रमुख राधेश्याम हटवार यांचे नेतृत्वात कामठी नगर परिषदेला देण्यात आले.
यावेळेस नगरपरिषद मुख्याधिकारी हे मुंबई मंत्रालयात नगरपरिषदचे कामात असल्याने भ्रमणध्वनीद्वारे त्यांच्याशी संपर्कप्रमुख करून निवेदनाची माहिती देण्यात आली निवेदन नगरपरिषद चे स्वास्थ विभाग अधिक्षक विजय मेथीया यांनी स्वीकारले यावेळेस कामगार सेनेचे विधानसभा क्षेत्र प्रमुख प्रशांत खोब्रागडे, कामगारसेनेचे शहरप्रमुख सुंदर सिंग रावत, भाविसे शहर प्रमुख राजेश चहांदे, कामठी शहर माजी महिला आघाडी प्रमुख ममता नायक, विराग जोशी, मुन्ना प्रजापती, उमेश भोकरे, संजय वैद्य,अरशदखान, ममता प्रजापती, रुपेश प्रजापती, गजाननप्रजापती, अशांक प्रजापती, दिनेश प्रजापती, निलेश प्रजापती, प्रशांत प्रजापतीआदी उपस्थित होते.