नवी दिल्ली :- महाराष्ट्र सदन व महाराष्ट्र परिचय केंद्रात सद्भावना दिन आज साजरा करण्यात आला.
दिवंगत पंतप्रधान राजीव गांधी यांची जयंती सद्भावना दिन म्हणून साजरी करण्यात येते. कोपर्निकस मार्ग स्थित महाराष्ट्र सदनातील सभागृहात आयोजित कार्यक्रमात निवासी आयुक्त तथा प्रधान सचिव रुपिंदर सिंग यांनी उपस्थित अधिकारी व कर्मचाऱ्यांना सद्भावना दिनाची शपथ दिली. यावेळी रुपिंदर सिंग यांनी दिवंगत पंतप्रधान राजीव गांधी यांच्या प्रतिमेस विनम्र अभिवादन केले.
यावेळी सदनातील अपर निवासी आयुक्त नीवा जैन, सहायक निवासी आयुक्त डॉ. राजेश अडपावार व स्मिता शेलार इतर अधिकारी-कर्मचाऱ्यांनीही स्व. राजीव गांधी यांना आदरांजली वाहिली.
महाराष्ट्र परिचय केंद्रात सद्भावना दिन साजरा
महाराष्ट्र परिचय केंद्रात सद्भावना दिन साजरा करण्यात आला. परिचय केंद्राच्या उपसंचालक (माहिती) अमरज्योत कौर अरोरा यांनी उपस्थित कर्मचाऱ्यांना सद्भावना दिनाची शपथ दिली. श्रीमती अरोरा यांनी यावेळी स्व. राजीव गांधी यांना विनम्र अभिवादन केले. उपस्थित कर्मचाऱ्यांनी स्व. राजीव गांधी यांना यावेळी आदरांजली वाहिली.
