मोतीराम रहाटे, प्रतिनिधी
कन्हान (नागपुर) : – श्री संत संताजी जगनाडे महाराज यांची ३२३ वी पुण्यतिथी निमित्य कांद्री येथे कार्यक्रमा सह पुण्यतिथी साजरी करण्यात आली.
कार्यक्रमास प्रामुख्याने उपस्थित नवनियुक्त तैलिक महासभा जिल्हाध्यक्ष योगेश वाडीभस्मे यांच्या हस्ते श्री संत संताजी जगनाडे महाराज यांच्या प्रतिमेला पुष्पहार अर्पण व दीप प्रज्वलित करून कार्यक्रमाची सुरूवात करण्यात आली. यावेळी कांद्री ग्रा पं माजी सरपंच बलवंत पडोळे, माजी सदस्य शिवाजी चकोले, जेष्ठ नागरिक कवडु आकरे,हेमराज आंबाळकर आदीने संत संताजी जगनाडे महाराज यांच्या जीवन चिरित्र्यावर उपस्थितांना मार्गदर्शन केले. कार्यक्रमास उपस्थित सर्व नागरिकांनी श्री संत संताजी जगनाडे महाराज यांच्या प्रतिमेला पुष्प अर्पित करून विनम्र अभिवादन करीत पुण्यतिथी साजरी करण्यात आली. याप्रसंगी श्यामराव चकोले, वासुदेव आकरे, झिबल सरोदे, वामन देशमुख, चंद्रशेखर बावन कुळे, रोहित चकोले, कवडुजी बारई, शंकर सरोदे, सुनीता हिवरकर, उषा वंजारी, पारस देशमुख, श्याम मस्के, मनोज भोले, लोकेश वैद्य सह समाज बांधव नागरिक उपस्थित होते.
