– उपद्रव शोध पथकाची धडक कारवाई
नागपूर :-नागपूर महानगरपालिकेच्या उपद्रव शोध पथकाने सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, ५० मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाईची सुरुवात केली आहे. शुक्रवारी (ता. 05) रोजी उपद्रव शोध पथकाने 103 प्रकरणांची नोंद करून 1 लाख 25 हजार 200 रुपयाचा दंड वसूल केला.
शहराला स्वच्छ ठेवण्यासाठी रस्त्यावर, फुटपाथवर कचरा टाकणारे, थुंकणारे, घाण करणारे, लघुशंका करणारे, प्लास्टिक पिशवीचा वापर करणाऱ्या नागरिकांवर तसेच दुकानदारांवर दंडात्मक कारवाई सुरु आहे. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु. ४००/- दंड) या अंतर्गत 30 प्रकरणांची नोंद करून 12 हजार रुपयांचा दंड वसुल करण्यात आला. व्यक्तीने रस्ता, फुटपाथ, मोकळी जागा अशा ठिकाणी कचरा टाकणे या अंतर्गत 4 प्रकरणांची नोंद करून 400 रुपयांचा दंड वसुल करण्यात आला. दुकानदाराने रस्ता, फुटपाथ, मोकळी जागा अशा ठिकाणी कचरा टाकणे या अंतर्गत 07 प्रकरणांची नोंद करून 2 हजार 800 रुपयांचा दंड वसूल करण्यात आला.
वाहतुकीचा रस्ता मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत 19 प्रकरणांची नोंद करून 87 हजार रुपयांचा दंड वसुल करण्यात आला. चिकन सेंटर, मटन विक्रेता यांनी त्यांचा कचरा रस्ता, फुटपाथ, मोकळी जागा अशा ठिकाणी कचरा टाकणे या अंतर्गत 1 प्रकरणाची नोंद करून 1 हजार रुपयांचा दंड वसुल करण्यात आला. वर्कशॉप, गॅरजेस व इतर दुरुस्तीचे व्यवसायीकांने रस्ता, फुटपाथ मोकळी जागा अशा ठिकाणी कचरा टाकणे या अंतर्गत 02 प्रकरणांची नोंद करुन 2 हजार रुपयाचा दंड वसुल करण्यात आला. सार्वजनिक रस्ता, फुटपाथ मोकळी जागा इत्यादी ठिकाणी बांधकामाचा मलबा/टाकावु कचरा टाकणे/साठवणे या अंतर्गत 02 प्रकरणांची नोंद करुन 2 हजार रुपयाचा दंड वसुल करण्यात आला.
उपरोक्त यादीत न आढळणारे इतर उपद्रव (व्यक्ती) असल्यास 25 प्रकरणांची नोंद करून 5 हजार रुपये दंड वसूल करण्यात आलेला आहे. उपरोक्त यादीत न आढळणारे इतर उपद्रव (संस्था) असल्यास 13 प्रकरणांची नोंद करून 13 हजार रुपये दंड वसूल करण्यात आला.
प्रतिबंधात्मक प्लास्टिक पिशवी बाळगणाऱ्या 02 प्रकरणांची नोंद
मनपाच्या उपद्रव शोध पथकाद्वारे शुक्रवारी (ता. 05) रोजी प्रतिबंधित प्लास्टिक पिशवीचा वापर करणाऱ्या गांधीबाग झोन अंतर्गत राहुल स्वीट्स सब्जीमंडी ईतवारी आणि सतरंजीपुरा झोन अंतर्गत जैन किराणा स्टोर्स मारवाडी चौक ईतवारी या दोन प्रतिष्ठानांकडून एकुण 10 हजार रुपये दंड वसूल करण्यात आला. याशिवाय लक्ष्मीनगर झोन अंतर्गत प्रिया अपार्टमेंट पांडे लेआउट खामला सी. व डी कचरा रस्त्यालगत टाकणेबाबत यांच्याकडून 5 हजार रुपये दंड वसूल करण्यात आला. धरमपेठ झोन अंतर्गत अश्विन गोलछा कॉफी हाऊस चौक, इन्फ्रा एलएलपी सुदामा ऑयकॉनिक डब्लु एच सी रोड आणि अमित कन्सट्रक्शन्स सुदामा टॉकीस डब्लु एच सी रोड रस्त्यालगत बांधकामाचा कचरा टाकण्याबाबत या तीन प्रतिष्ठानांकडुन एकुण 75 हजार रुपयांचा दंड वसूल करण्यात आला. असे एकूण 06 प्रकरणांची नोंद करून 90 हजार रुपयांचा दंड वसुल करण्यात आला.
