संदीप कांबळे, विशेष प्रतिनिधी
कामठी ता प्र 12 :- स्थानिक नवीन कामठी पोलीस स्टेशन हद्दीत येणाऱ्या जयभीम चौक रहिवासी 24 वर्षीय तरुणाने घरी कुणी नसल्याचे संधी साधून घरातच दुपट्ट्याने गळफास लावून आत्महत्या केल्याची घटना काल दुपारी 12 दरम्यान घडली असून मृतक तरुणाचे नाव राहुल मेंढे वय 24 वर्षे रा जयभीम चौक ,कामठी असे आहे.
पोलिसांनी दिलेल्या माहितीनुसार सदर मृतकाचे घरमंडळी कामानिमित्त घराबाहेर पडले असता अज्ञात कारणावरून सदर तरुणाने आपल्या राहत्या घरातील खोलीत दुपट्ट्याने गळफास लावून आत्महत्या केली .ही घटना सायंकाळी 5 वाजता मृतकाची बहिण घरी आली असता निदर्शनास आली. आत्महत्येचे हे दृश्य बघून सर्वानाच धक्का बसला.
घटनेची माहिती पोलिसांना देताच पोलिसांनी त्वरित घटनास्थळ गाठून घटनास्थळाचा पंचनामा करीत मृतदेह ताब्यात घेऊन पुढील उत्तरीय तपासणीसाठी कामठी च्या शासकीय उपजिल्हा रुग्णालयात हलविण्यात आले.पोलिसानी तूर्तास आकस्मिक मृत्यूची नोंद केली आहे तर आत्महत्येचे कारण अजूनही गुलदस्त्यात आहे.
