लसीकरणाच्या वर्षपूर्तीनिमित्त महापौर राखी कंचर्लावार यांनी केले आरोग्यसेवकांचे अभिनंदन

चंद्रपूर, ता. १७ : भारताचे पंतप्रधान नरेंद्र मोदी यांच्या नेतृत्वाखालील केंद्र सरकारने राबविलेल्या जगातील सर्वात मोठ्या कोविड लसीकरण मोहिमेस १६ जानेवारीला एक वर्ष पूर्ण झाले. या काळात मोदी सरकारच्या कोरोनाविरोधी लढाईस लसीकरणामुळे सुरक्षित आरोग्याची हमी मिळाली, असे गौवरोद्गार व्यक्त करीत चंद्रपूर शहरात योगदान देणाऱ्या आरोग्य सेवकांचे महापौर राखी कंचर्लावार यांनी अभिनंदन केले. 
गेल्या वर्षी, १६ जानेवारी २०२१ रोजी, मनीष कुमार नावाच्या ३४ वर्षांच्या सफाई कर्मचाऱ्यास कोविड प्रतिबंधात्मक लसीची पहिली मात्रा देऊन या मोहिमेचा राष्ट्रीय स्तरावर आरंभ करण्यात आला. चंद्रपूर महानगरपालिकेच्या माध्यमातून पंधरा वर्षांवरील सुमारे दोन लाख 45 हजार नागरिकांना कोरोना लसीची पहिली मात्रा देण्यात आली आहे. सुमारे 65 टक्के नागरिकांनी दुसरी मात्रा देखील पूर्ण केली असून, आता बूस्टर डोसदेखील सुरू झालेले आहे. मागील दोन वर्षांपासून कोरोणाला हद्दपार करण्यासाठी आरोग्य विभागातील कर्मचाऱ्यांसह विविध क्षेत्रातील मान्यवर देखील सहकार्य करीत आहेत. कोरोणाची तिसरी लाटदेखील थोपवून धरण्यासाठी सर्व पात्र नागरिकांनी लसीकरण करून घ्यावे, असे आवाहन महापौर राखी कंचर्लावार यांनी केले आहे.
Contact us for news or articles - dineshdamahe86@gmail.com

News Today 24x7

Next Post

मनपातर्फे नागपूर शहराच्या इतिहासावर 'गीत लेखन' स्पर्धा

Mon Jan 17 , 2022
– २३ जानेवारी सहभागी होण्याची अंतिम तारीख नागपूर, ता. १७ : स्वातंत्र्याच्या अमृत महोत्सवी वर्षानिमित्त नागपूर महानगरपालिकेतर्फे नागपूर शहरावर आधारित ‘गीत लेखन’ स्पर्धेचे आयोजन करण्यात आलेले आहे. स्पर्धेत सहभागी होण्यासाठी आपण स्वतः लिहलेले गीत ११ ते  २३ जानेवारी २०२२ पर्यंत नागपूर महानगरपालिकेच्या क्रीडा व सांस्कृतिक विभागाच्या कार्यालयात जमा करावे. इच्छुक स्पर्धकांनी जास्तीत जास्त संख्येने स्पर्धेत सहभागी व्हावे, असे आवाहन महापौर दयाशंकर तिवारी यांनी केले आहे.             नागपूर […]

You May Like

Latest News

The Latest News

Social Media Auto Publish Powered By : XYZScripts.com
error: Content is protected !!