नागपूर :- पोलीस ठाणे सिताबर्डी हद्दीत हाऊस नं. ६९, आंबेडकर नगर, व्हीआयपी रोड, धरमपेठ, नागपूर येथे राहणारे फिर्यादी निलेश मदनलाल हिरनवार वय ४३ वर्ष यांनी त्यांचे घरासमोर, रोडवर त्यांची स्कुटी पेप क. एम. एच ३१ ई. जे ६९२३ पार्क करून ठेवली असता अज्ञात आरोपीने फिर्यादीची गाडी जाळुन अंदाजे ७,०००/- रू चे नुकसान केले. फिर्यादी यांनी दिलेल्या तक्रारीवरून आरोपीविरूध्द पोलीस ठाणे सिताबर्डी येथे कलम ३२६ (एफ) भा.न्या.सं. अन्वये गुन्हा दाखल करण्यात आला होता.
सिताबर्डी पोलीसांनी गुप्त बातमीदारा मार्फत मिळालेल्या माहितीवरून आरोपी नामे मयुर श्याम हिरनवार वय ३८ वर्ष रा. गवळीपूरा, शितला माता मंदीर जवळ, धरमपेठ, नागपूर वास ताब्यात घेवुन विचारपूस केली असत्ता आरोपीने जुन्या वादाचे कारणावरून वरील गुन्हा केल्याची कबुली दिली. आरोपीस अटक करण्यात आलेली आहे. पुढील तपास सुरू आहे.
वरील कामगिरी पोलीस उप आयुक्त (परि. क. २) व सहा. पोलीस आयुक्त (सिताबर्डी विभाग) यांच्या मार्गदर्शनाखाली, वपोनि. चकाटे, पोनि, मिर्जापुरे, पोउपनि, तिवारी, शिंदे, पोहवा, त्रिपाठी, पो.अं. रंभापूरे, मांडवकर व रमन खैरे यांनी केली.
