नागपूर :- फिर्यादी नरेश खेमचंद पाठक वय २० वर्ष रा. कस्तुरबा नगर, प्लॉट न. २११, जरीपटका, नागपुर हे घरी हजर असतांना त्यांना घराबाहेर आवाज आल्याने ते व त्यांचा भाऊ रवि पाठक वय २२ वर्ष व आई आरती पाठक वय ४२ वर्ष हे तिथे घराबाहेर आले असता त्यांचे घराजवळ राहणारा राजु बिसाऊ शाहु वय ३२ वर्ष याचे सोबत अॅक्टीवा गाडीवरून आलेले आरोपी १) विशाल अभिमान दमगाने वय २४ वर्ष रा. इंदिरानगर, गल्ली न. ६ जरीपटका २) राजन बलरामसिंग कक्कड़ वय २० वर्ष रा. म्हाडा कॉलोनी, प्लॉट नं. २७४ कपिलनगर ३) साहिल मुजात अंसारी वय २३ वर्ष रा. बाबा दिपसिंग नगर, म्हाडा कॉलोनी यांनी संगणमत करून राजु शाहू याला अज्ञात कारणावरून लाकडी दंडा व हातबुक्का तसेच चाकुने त्यांचे हातावर पोटावर वार करून जिवे ठार मारण्याचा प्रयत्न करून गंभीर जखमी केले, फिर्यादी हे भांडण सोडविण्यास गेले असता आरोपिंनी त्यांना लाकडी काठीने मारून जखमी केले. फिर्यादीचा भाऊ रवि व आई हे सोडविण्यास आले असता रविचे गळ्यावर चाकुने मारून जखमी केले व फिर्यादीची आई आरती हीचे उजवे हातावर चाकूने मारून जखमी केले. सर्व जख्मींचा उपचार मेयो हॉस्पीटल येथे सुरू आहे. याप्रकरणी फिर्यादी यांनी दिलेल्या तकारीवरून पो. ठाणे जरीपटका येथे पोउपनि सांस्कृतायन यांनी आरोपीविरुद्ध कलम ३०७, ३२४, ३२३, २९४, ३४ भादवि सहकलम १३५ म.पो.का अन्वये गुन्हा दाखल करून आरोपींना अटक केली आहे. पुढील तपास सुरू आहे
