नागपूर :- स्वच्छ भारत अभियान अंतर्गत नागपूर महानगरपालिकेच्या उपद्रव शोध पथकाने शुक्रवार ता. 12) 5 प्रतिष्ठानांवर कारवाई करून 50 हजार रुपयांचा दंड वसूल केला. मनपा आयुक्त तथा प्रशासक राधाकृष्णन बी. यांच्या मार्गदर्शनात धरमपेठ झोनच्या उपद्रव शोध पथकाद्वारे अभय धवळे, प्लॉट नं. 103, रामदासपेठ, नागपूर यांच्यावर परवानगीशिवाय मोठ्या प्रमाणात कचरा जाळल्याबद्दल कारवाई करून 5 हजार रुपयांचा दंड वसूल केला. गांधीबाग झोनच्या उपद्रव शोध पथकाद्वारे मे. जे. के. प्रोव्हिजन यांच्यावर प्लास्टिक पिशवीच्या वापर केल्याबद्दल कारवाई करून 5 हजार रुपयांचा दंड वसूल केला.
सतरंजीपुरा झोनच्या उपद्रव शोध पथकाद्वारे मे. ए.पी.एस. इंन्टरप्राईजेस यांच्यावर प्लास्टिक पिशवीच्या वापर केल्याबद्दल कारवाई करून 5 हजार रुपयांचा दंड वसूल केला. मंगळवारी झोनच्या उपद्रव शोध पथकाद्वारे गोल्डन रुफ, राज नगर, छावनी सदर, नागपूर यांच्यावर परवानगीशिवाय गटर लाईन तोडून सांडपाणी पसरल्यामुळे कारवाई करून 5 हजार रुपयांचा दंड वसूल केला. तसेच मल्टी स्पेसालिटी हॉस्पीटल यांच्याविरोधात रस्त्यालगत बांधकाम साहित्य पसरविल्याबद्दल कारवाई करून 10 हजार रुपयांचा दंड वसूल केला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
