नागपूर :- स्वच्छ भारत अभियान अंतर्गत नागपूर महानगरपालिकेच्या उपद्रव शोध पथकाने मंगळवार (ता.18) 09 प्रतिष्ठानांवर कारवाई करून 60 हजार रुपयांचा दंड वसूल केला. लक्ष्मीनगर झोनच्या उपद्रव शोध पथकाद्वारे मे. क्रेसेंट हार्ट केयर हॉस्पीटल, धंतोली, नागपूर यांच्यावर रुग्णालयाचा सामान्य कचरा रुग्णालयाच्या परिसरात पसरविल्याबद्दल कारवाई करून 10 हजार रुपये दंड वसूल करण्यात आला.धरमपेठ झोनच्या उपद्रव शोध पथकाद्वारे मे. श्री दुर्गा बिल्डर्स, व्ही.आय.पी. रोड, नागपूर यांच्यावर रस्त्यालगत बांधकाम साहित्य पसरविल्याबद्दल कारवाई करून 10 हजार रुपयांचा दंड वसूल करण्यात आला. तसेच मे. एस.पी.एल. फिटनेस हब, गिटटीखदान, नागपूर यांच्यावर इलेक्ट्रीक पोलवर अनधिकृतपणे बॅनर व होर्डींग लावल्याबाबत कारवाई करून 10 हजार रुपयांचा दंड वसूल करण्यात आला.
गांधीबाग झोनच्या उपद्रव शोध पथकाद्वारे मे. बबलु स्विट व प्रफुल ट्रेडर्स, टिमकी, नागपूर यांच्यावर प्लास्टिक पिशवीच्या वापर केल्याबद्दल कारवाई करून प्रत्येकी ५ हजार रुपयांचा दंड वसूल केला. सतरंजीपुरा झोनच्या उपद्रव शोध पथकाद्वारे मे. जी.के. स्विटस, बिनाकी, नागपूर यांच्यावर प्लास्टिक पिशवीच्या वापर केल्याबद्दल कारवाई करून ५ हजार रुपयांचा दंड वसूल केला. मंगळवारी झोनच्या उपद्रव शोध पथकाद्वारे मे. एफ.यु.आर. निवास डॉग केयर, बोरगाव रोड, नागपूर, मे. दिक्षीत लर्निंग सेंटर, राज नगर, तसेच मे. माय छोटा स्कुल, गिटटीखदान चौक, नागपूर यांच्यावर इलेक्ट्रीक पोलवर अनधिकृतपणे बॅनर व होर्डींग लावल्याबाबत प्रत्येकी 5 हजार दंड वसूल करण्यात आला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.
