नागपूर :- वने, सांस्कृतिक कार्य व मत्स्यव्यवसाय मंत्री सुधीर मुनगंटीवार हे 16 फेब्रुवारी 2024 रोजी एक दिवसाच्या नागपूर भेटीवर येत आहेत.
मुनगंटीवार यांचे मुबंई येथून सकाळी 7.10 वाजता डॉ. बाबासाहेब आंबेडकर आंतरराष्ट्रीय विमानतळ नागपूर येथे आगमन होणार आहे. त्यांच्या हस्ते दुपारी 12.00 ते 3.00 वाजेपर्यंत पेंच व्याघ्र प्रकल्पालातंर्गत विविध उद्घाटने व शुभारंभ होणार आहेत. यानंतर सायंकाळी 4.00 वाजता ते देवलापार येथील गो-विज्ञान अनुसंधान केंद्रास भेट देणार आहेत. सायंकाळी 5.00 वाजता त्यांच्या उपस्थितीत नागपूर येथील वनभवनाच्या हरिसिंह सभागृहात मधाच्यागावाबाबत बैठक होणार आहे. महाराष्ट्र वन विकास महामंडळाच्या 50व्या स्थापना दिनानिमित्त सायंकाळी 7.00 वाजता वसंतराव देशपांडे सभागृहात आयोजित कार्यक्रमात ते सहभागी होणार आहेत. रात्री ११.२० वाजता मुनगंटीवार हे नागपूर विमानतळाहून नवी दिल्लीकडे रवाना होतील.
