यवतमाळ :- दिग्रस तालुक्यातील सावंगी येथील ईश्वर देशमुख सैनिक शाळेच्या विद्यार्थ्यांना महाडीबीटी प्रणालीवर ऑनलाईन पध्दतीने मॅट्रिकपुर्व सैनिक शाळा निर्वाह भत्ता योजनेचा लाभ देण्यात येणार आहे. त्यामुळे या शाळेतील विद्यार्थ्यांनी बेव लिंकद्वारे अर्ज सादर करण्याचे आवाहन करण्यात आले आहे.
सामाजिक न्याय विभागाच्यावतीने विद्यार्थ्यांना निर्वाह भत्ता दिला जातो. अनुसूचित जाती प्रवर्गातील विद्यार्थ्यांना मॅट्रिकपुर्व सैनिक शाळा निर्वाह भत्ता योजना शाळेत शिकणाऱ्या विद्यार्थ्यांना देण्यात येणार आहे. यासाठी शैक्षणिक वर्ष 2024-25 पासून अर्ज भरण्याची प्रक्रिया महाडीबीटी प्रणालीवर ऑनलाईन पध्दतीने राबविण्यात येणार आहेत. त्यामुळे या शाळेच्या विद्यार्थ्यांनी https://prematricdbtworkflow.mahait.org/ या महाडीबीटी प्रणालीव वेब लिंकद्वारे अर्जाची नोंदणी करावी, असे आवाहन समाज कल्याणच्या सहाय्यक आयुक्तांनी केले आहे.
