– शाळेच्या पहिल्या दिवशी सदिच्छा भेट देऊन घेतला आढावा
नागपूर : रामनगर येथील मनपा व आकांक्षा फाउंडेशन व्दारा संचालित इंग्रजी प्राथमिक शाळेला मनपा आयुक्त तथा प्रशासक राधाकृष्णन बी. यांनी दि. २९ जून, बुधवारला शाळेच्या प्रथम दिनी भेट देऊन नवागतांचे स्वागत केले.
उन्हाळी सुट्ट्यांनंतर बुधवारी शाळेच्या प्रथम दिवशी मनपा आयुक्तांनी इंग्रजी माध्यम प्रथम इयत्तेतील चिमुकल्या विद्यार्थ्यांचे गुलाब पुष्प, गणवेश, पाठयपुस्तके देऊन स्वागत केले. 
याप्रसंगी शिक्षणाधिकारी प्रीति मिश्रीकोटकर, सहायक आयुक्त प्रकाश वराडे, कार्यकारी अभियंता विजय गुरुबक्षानी, कमलेश चव्हाण, उद्यान अधीक्षक अमोल चोरपगार, शिक्षण विभाग समन्वयक विनय बगले, आकांक्षा फाउंडेशनचे शालेय संचालक सोमसुर्व चॅटर्जी आणि शाळेतील शिक्षक वृंद उपस्थित होते. 
