– सेल्फी स्टँडवर आयुक्त, अतिरिक्त आयुक्तांनी काढला सेल्फी
नागपूर :- महाराष्ट्र राज्यातील विधानसभा निवडणुकीच्या अनुषंगाने नागपूर शहरात मतदार जनजागृती अभियान राबविण्यात येत आहे. या अभियानाचा मनपा आयुक्त तथा प्रशासक डॉ. अभिजीत चौधरी यांना शुभारंभ केला.
मनपा मुख्यालयातील छत्रपती शिवाजी महाराज प्रशासकीय इमारतीमधील दालनात सेल्फी स्टँडचे देखील त्यांनी लोकार्पण केले. यावेळी आयुक्त डॉ. अभिजीत चौधरी यांच्यासह अतिरिक्त आयुक्त आंचल गोयल, अतिरिक्त आयुक्त अजय चारठाणकर यांनी सेल्फी काढून मतदारांना मतदान करण्याचे आवाहन केले.
आगामी विधानसभा निवडणूक २०२४ च्या अनुषंगाने सिस्टिमेटिक व्होटर्स एज्यूकेशन अँड इलेक्ट्रॉल पार्टीसिपेशन अर्थात ‘स्वीप’ कार्यक्रमांतर्गत नागपूर महानगरपालिकेद्वारे शहरामध्ये मतदानाबाबत जनजागृती केली जात आहे. या अंतर्गत नवीन तसेच सर्व मतदारांना २० नोव्हेंबर २०२४ रोजी अवश्य मतदानाचा हक्क बजावण्याचे आवाहन करण्यात येत आहे.
