संदीप कांबळे, विशेष प्रतिनिधी
कामठी :- कोलार , कन्हान आणि पेंच या तीन नदीच्या त्रिवेणी संगमावर 337 वर्षापूर्वीचे वसलेले जुनी कामठी चे श्रीक्षेत्र कामठेश्वर शिव मंदिर आज 8 मार्चला महाशिवरात्रीच्या पर्वनिमित्त श्रद्धाळू भक्तभाविकांच्या हर हर महादेवाच्या जयघोषाने चांगलेच दुमदुमले.
महाशिवरात्री पर्वानिमित्त जुनी कामठी स्थित मानवता चे प्रतीक व अति प्राचीन कामनापूर्णश्रीक्षेत्र कामठेशवर शिव मंदिरात कामठी शहर तसेच ग्रामीण भागातील नागरिकांसह इतर Cठिकानातील भाविकांनी एकच गर्दी केली होती. पहाटे 4 वाजता भगवान श्री कामठेशवर महादेव यांचा अभिषेक करून पूजा अर्चना करण्यात आली. तर मंदिरात दर्शनार्थ माजी राज्यमंत्री ऍड सुलेखा कुंभारे तसेच आदी मान्यवरांनी उपस्थिती दर्शविली होती.याप्रसंगी मंदिर समितीचे अध्यक्ष जिजा आसोले,प्रकाश हिरणवार,छावणी परिषद चे माजी उपाध्यक्ष चंद्रशेखर लांजेवार, दिपक सीरिया,प्रकाश सीरिया, लाला खंडेलवाल,छावणी परिषद चे मनोनीत सदस्य कमल उर्फ लालू यादव,विक्रम लांजेवार,विजय लांजेवार आदी प्रामुख्याने उपस्थित होते.
मंदिरात दर्शनार्थ येणाऱ्या भाविकांसाठी विविध मार्गावर विविध सामाजिक, धार्मिक संघटना तसेच मंदिर कमिटी च्या वतीने ठिकठिकाणी भव्य महाप्रसाद तसेच शरबत वितरण करण्यात आले होते..भाविकांच्या सुरक्षात्मक दृष्टिकोनातून जुनी कामठी पोलीस स्टेशन तसेच कन्हान पोलीसांचा चोख बंदोबस्त लावलेला असून दुर्घटनेला आळा बसावा यासाठी नदीकाठी तसेच मंदिर परिसरात विशेष लक्ष केंद्रित करण्यात आले होते..तसेच आजच्या दिवशी भाविकांना सोयीचे व्हावे यासाठी कामठी छावणी परिषद चे भाजी मंडी गेट, गरूड गेट,वारेगाव बाह्य वळण मार्ग गेट पूर्णतः उघडे ठेवले होते.
या कार्यक्रमाच्या यशस्वीतेसाठी श्री शिव मंदिर देवस्थान समिती जुनी कामठी च्या मनोनीत अध्यक्षा राजमाता इंदीराराजे लक्ष्मणसिंह भोसले,अध्यक्ष जिजा आसोले,उपाध्यक्ष बाबूलाल हिरणवार,उपाध्यक्ष प्रकाश सीरिया,कोशाध्यक्ष अनिल गंडालिया,सचिव राजेश ऊर्फ लाला खंडेलवाल,सहसचिव श्रीराम कुशवाहा,सदस्य युगचंद छल्लानी,प्रकाश हिरणवार, उत्तम नायरे, सोनू पिल्ले,विजय लांजेवार, भूषण इंगोले, विधी सलाहकार ऍड गजानन आसोले यासह जुनी कामठी पोलीस स्टेशन तसेच कन्हान पोलिसांनी मोलाची भूमिका साकारली.
