संदीप कांबळे, विशेष प्रतिनिधी
कामठी :- वनराई फाउंडेशन व यशवंतराव चव्हाण सेंटर जिल्हा केंद्र नागपूरच्या वतीने दरवर्षी देण्यात येणारा स्वर्गीय इब्राहिम पठाण स्मृती पर्यावरण पुरस्कार यावर्षी श्री सदाशिव पाटील शिक्षण संस्था कामठी यांना वृक्षारोपण व शैक्षणिक क्षेत्रात उत्कृष्ट कार्य केल्याबद्दल गौरवण्यात आले धनवटे सभागृह नागपूर येथे आयोजित पुरस्कार वितरण सोहळ्यात वनराईचे अध्यक्ष गिरीश गांधी यांच्या हस्ते सदाशिव पाटील शिक्षण संस्थेचे सचिव सुरेश भोयर व फार्मसी महाविद्यालयाचे प्राचार्य डॉक्टर मिलिंद उमेकर यांना शाल ,श्रीफळ ,स्मृतीचिन्ह व 11 हजार रुपये रोख पुरस्कार देऊन गौरवण्यात आले यावेळी माजी आमदार रमेशचंद्र बंग, महेश बग, राजाभाऊ ताकसांडे ,निलेश खांडेकर ,डॉक्टर कोमल ठाकरे ,डॉक्टर अभय महाकाळ,अजय पाटील सह मोठ्या संख्येने संस्थेचे पदाधिकारी उपस्थित होते.
