संदीप कांबळे, विशेष प्रतिनिधी
कामठी :- स्थानिक सेठ केसरीमल पोरवाल महाविद्यालयाच्या इतिहास विभागाद्वार विश्व पर्यटन दिवसाचे औचित्य साधून २७ सप्टेंबर ला ‘विदर्भातील ऐतिहासिक पर्यटनस्थळे’ विषयावर एकदिवसीय राष्ट्रीय चर्चासत्राचे आयोजन महाविद्यालयाच्या ग्रंथालय कक्षात करण्यात आले आहे. राष्ट्रपती पुरस्काराने सम्मानित, भाषा शिक्षक, कवी, लेखक व इतिहास संशोधक डॉ. मनोहर नरांजे व डॉ. विराग सोनटक्के, सहायक प्राध्यापक बनारस हिंदू विद्यापीठ, वाराणसी हे वक्ता व विषयतज्ञ म्हणून चर्चासत्रात मार्गदर्शन करणार आहेत.
मोफत चर्चासत्रात ऑफलाईन व ऑनलाईन माध्यमाने सहभागी होण्याचे आव्हान महाविद्यालयाचे प्राचार्य डॉ. विनय चव्हाण, समन्वयक व इतिहास विभाग प्रमुख डॉ. जितेंद्र सावजी तागडे आणि आयोजन समितीने केले आहे.