नागपूर :विदर्भ क्रिकेट असोसिएशन तर्फे आयोजित एसए रहीम १५ वर्ष वयोगटातील स्थानिक स्पर्धेत कुर्वेज न्यू.मॉडेल पब्लिक स्कूल, श्रद्धानंद पेठ विरुद्ध सेंट जोसेफ कॉन्व्हेन्ट , फेट्री दरम्यान एस.एस.सी. ऐ. मैदानावर सामना रंगला होता. कुर्वेज न्यू.मॉडेल पब्लिक स्कूल संघाने नाणेफेक जिंकून प्रथम फलंदाजी करतांना सेंट जोसेफ कॉन्व्हेन्ट संघासमोर जिंकण्यासाठी ५० षटकामध्ये ३२९ धावांचा डोंगर उभा केला होता . साईश भिसे यांनी संयमी फटकेबाजी करताना ११९ (९९) धावा काढल्या. त्याच्या फटकेबाजीत १७ चौकाराचा समावेश होता. शिवम लोणारे यांनी -६९ (५३) धावा, आरुष उस्केलवार – ३१ ( ३०) धावा काढल्या. आदित्य मोरे , आयुष यादव, दर्ष गिरगावकर यांनी प्रत्येकी ३ गडी बाद केले.
प्रत्युत्तरात सेंट जोसेफ कॉन्व्हेन्ट यांनी धावांचा पाठलाग करतांना ३६.१ षटकामध्ये सर्वबाद १५५ धावा केल्या. सेंट जोसेफ कॉन्व्हेन्ट कडून खेळताना निहाल मोर्य यांनी सर्वाधिक ५८ (७५) धावा काढल्या. सरतेशेवटी कुर्वेज न्यू.मॉडेल पब्लिक स्कूल १७५ धावांनी विजयी झाला. विजयाबद्दल चारुशीला यांनी अभिनंदन केले. स्कोरर म्हणून ऋषी लोधे आणि यातीन वाघ आणि अंकिता गुहा यांनी पंचाची भूमिका पार पाडली.
