मोतीराम रहाटे, प्रतिनिधी
कन्हान (नागपुर) : – येसंबा ग्राम पंचायत कार्यालय येथे राष्ट्र माता, राजमाता जिजाऊ मॉ साहेब व स्वामी विवेकानंद यांची जयंती थाटात साजरी करण्यात आली.
कार्यक्रमास प्रामुख्याने उपस्थित नवनिर्वाचित सरपंच सोनु इरपाते यांच्या हस्ते राजमाता जिजाऊ आणि उपसरपंच धनराज हारोडे यांच्या हस्ते स्वामी विवेकानंद यांच्या प्रतिमेचे पुजन आणि माल्यार्पण करुन कार्यक्रमाची सुरूवात करण्यात आली. यावेळी सरपंच सोनु इरपाते यांनी राजमाता जिजाऊ व उपसरपंच धनराज हारोडे यांनी स्वामी विवेकानंद यांच्या जीवन चिरित्र्यावर उपस्थितांना मार्गदर्शन केले. याप्रसंगी उपस्थित सर्व सदस्यांनी राजमात जिजाऊ व स्वामी विवेकानंद यांच्या प्रतिमेला पुष्प अर्पित करुन विनम्र अभिवादन करून जयंती थाटात साजरी करण्यात आली. कार्यक्रमास येसंबा ग्राम पंचायत माजी उपसरपंच फुलचंद इरपाते, सदस्य सुभाष चकोले, करिश्मा पानतावणे, रेवती डडुरे, ज्ञानेश्वरी घरजाळे, युवावर्ग हर्षद हारोडे, ऋषी डडुरे, सुरज ठाकरे, राहुल दहेलकर, स्वप्निल भोयर, शुभांगी इरपाते , ग्राम पंचायत कर्मचारी संजय गजभिये सह ग्रामस्थ नागरिक उपस्थित होते.
