संदीप कांबळे, विशेष प्रतिनिधी
कामठी :- महिला व बाल विकास क्षेत्रामध्ये उत्कृष्ट कार्य करीत असलेल्या महिलांना प्रोत्साहन मिळावे याकरिता प्रत्येक ग्रामपंचायत क्षेत्रातील दोन कर्तबगार महिलांना ग्रामपंचायत कार्यालयामध्ये पुण्यश्लोक अहिल्यादेवी होळकर यांच्या जयंती निमित्त दिनांक 31 मे रोजी हा पुरस्कार देऊन सन्मानित करण्यात आले.
महाराष्ट्र शासनाचा जिल्हा युवा पुरस्कार प्राप्त तसेच नेहरु युवा केंद्राच्या राष्ट्रीय युवा स्वयंसेवक दिप्ती प्रशांत महल्ले व दिपाली पाटील यांना गट ग्रामपंचायत गारला – सावळी च्या सरपंच आरती शहाणे व उपसरपंच राहुल बोढारे यांच्या हस्ते ‘पुण्यश्लोक अहिल्यादेवी होळकर महिला सन्मान पुरस्कार’ देण्यात आला. यामध्ये त्यांना सन्मान चिन्ह,शाल-श्रीफळ तसेच पाचशे रुपये रोख व प्रमाणपत्र देऊन सन्मानित करण्यात आले.यावेळी ग्रा. प सदस्य प्रशांत महल्ले अंगणवाडी सेविका संगीता नागपुरे, आशा वर्कर मनीषा सावरकर,अमर इंगोले ,सुनील उकुद्दे उपस्थित होते.