नागपूर :- उपवने व उद्याने सार्वजनिक बांधकाम विभाग प्रादेशिक कार्यालयाच्या वतीने दरवर्षी प्रमाणे यंदाही 49 व्या पुष्पप्रदर्शनाचे आयोजन विधानभवन परिसर येथे दिनांक 25 व 26 जानेवारी 2024 रोजी करण्यात आले आहे.
पुष्पप्रदर्शनात सहभाग घेण्यासाठी प्रवेश अर्ज बुधवार दिनांक 10 जानेवारी पासून शासकीय रोपवाटीका जुने सचिवालय परिसर सिव्हील लाईन नागपूर येथुन मिळणार. प्रवेश अर्ज भरण्याची अंतिम तारीख १७ जानेवारी असून विलंब शुल्कासह अंतिम अर्ज दिनांक 22 जानेवारी पर्यंत करता येईल, याची संबंधितांनी नोंद घ्यावी तसेच अधिक माहितीसाठी ०७१२-२५६१४२५ या दुरध्वनी क्रमांकावर संपर्क साधावा, असे आवाहन उपवने व उद्याने विभागाचे सहायक संचालक प्रसाद कडुलकर यांनी प्रसिध्दी पत्रकाव्दारे केले आहे.
