नागपूर :- महाराष्ट्र राज्य मुक्त विद्यालय मंडळामध्ये इयत्ता 5 वी व 8वी साठी नव्याने प्रविष्ठ होणाऱ्या व जानेवारी-2024 मध्ये होणाऱ्या मुल्यमापन सत्रासाठी विद्यार्थ्यांचे ऑनलाईन पध्दतीने नाव नोंदणी प्रवेश अर्ज दिनांक 1 ते 15 सप्टेंबर 2023 या कालावधीत स्वीकारण्यात येणार आहेत. ऑनलाईन नाव नोंदणी प्रवेश अर्ज http://msbos.mh-ssc.ac.in या संकेतस्थळावर स्विकारण्यात येणार असून संकेतस्थळावर अर्ज भरण्याच्या सूचना देण्यात आल्या आहेत.
विद्यार्थ्यांनी मूळ अर्ज, विहित शुल्क व आवश्यक कागदपत्रे अर्जावर नमुद केलेल्या संपर्क केंद्र शाळेमध्ये 2 ते 20 सप्टेंबर 2023 पर्यंत जमा करावे, असे राज्य माध्यमिक व उच्च माध्यमिक शिक्षण मंडळाचे विभागीय सचिव चिंतामण वंजारी यांनी कळविले आहे.
