संदीप कांबळे, विशेष प्रतिनिधी
कामठी ता प्र 5 – स्थानिक नवीन कामठी पोलीस स्टेशन हद्दीत येणाऱ्या जयस्तंभ चौक बस स्थानक मध्ये एका 70 वर्षीय इसमाने कापडी दुपट्ट्याने गळफास लावून आत्महत्या केल्याची घटना काल रात्री साडे अकरा दरम्यान निदर्शनास आल्याने सर्वत्र खळबळ माजली मृतक इसमाचे नाव तुकाराम नागो कोकाटे रा रमानगर कामठी असे आहे.
घटनेची माहिती मिळताच पोलिसांनी वेळीच घटनास्थळ गाठून घटनास्थळाचा पंचनामा करीत मृतदेह पुढील उत्तरीय तपासणीसाठी कामठी येथील शासकीय उपजिल्हा रुग्णालयात हलविण्यात आले .आत्महत्येचे कारण कळू शकले नसले तरी भर महामार्गच्या कडेला असलेल्या बस स्थानक मध्ये गळफास लावल्याची घटना ही सर्वत्र चर्चेचा विषय ठरला असून ही हत्या की आत्महत्या याबाबत शंका कुशंका व्यक्त करण्यात येत आहे.पोलिसांनी तूर्तास आकस्मिक मृत्यूची नोंद केली असून पुढील तपास सुरू आहे.
