संदीप कांबळे, विशेष प्रतिनिधी
कामठी :- सेठ केसरीमल पोरवाल कनिष्ठ महाविद्यालयाने दि. २१.७.२०२३ रोजी दुपारी १२ वाजता तालुकास्तरीय क्रीडा स्पर्धा आयोजन विषयावर सन २०२३-२४ क्रीडा शिक्षकांची व मौदा तालुका शिक्षकांची संयुक्त बैठक घेण्यात आली.ह्या बैठकीत जिल्हा क्रीडा अधिकारी पल्लवी धात्रक तसेच माया दुबळे , तापटे व महाविद्यालयातील प्राचार्य डॉ. विनय चव्हाण, कनिष्ठ महाविद्यालयातील उपप्राचार्य डॉ. सुधीर अग्रवाल, पर्यवेक्षक प्रा. वंजारी व कामठी तालुक्याच्या तालुकासंयोजक प्रा. मल्लिका नागपुरे उपस्थित होत्या. तसेच सर्व कामठी व मौदा तालुक्यातील सर्व क्रीडा शिक्षक मिळून एकूण 80 शिक्षक या बैठकीला उपस्थित होते. जिल्हा क्रीडा अधिकारी यांनी सर्व शिक्षकांना आनलाईन मार्गदर्शन केले व त्याचे प्रात्यक्षिक प्रोजेकट्टरवर समजावून सांगितले आणि येणाऱ्या अडचणी कोणत्या आणि त्यावर मात कशी करता येईल हे सांगितले व ऑनलानईचे महत्व सर्वांना पटवून दिले. कार्यक्रमाचे संचालन मौदयाच्या निर्वाण आणि आभार प्रदर्शन सेठ केसरीमल पोरवाल महाविद्यालयाच्या प्रा. मल्लिका नागपुरे यांनी केले.
