नवी दिल्ली :- महाराष्ट्र परिचय केंद्रात ‘मराठी पत्रकार दिन’ आज साजरा करण्यात आला.
उपसंचालक अमरज्योत कौर अरोरा यांनी मराठी वृत्तपत्रसृष्टीचे जनक आचार्य बाळशास्त्री जांभेकर यांच्या प्रतिमेस पुष्पहार अर्पण करून अभिवादन केले. यावेळी माहिती अधिकारी अंजु निमसरकर यांच्यासह उपस्थित कर्मचाऱ्यांनीही जांभेकर यांच्या प्रतिमेस पुष्पअर्पण करून अभिवादन केले.
आचार्य बाळशास्त्री जांभेकर यांनी मुंबई येथे 6 जानेवारी 1832 रोजी ‘दर्पण’ या मराठी आणि इंग्रजी भाषेतील पाक्षिकाची सुरूवात करून मराठी वृत्तपत्राची मुहूर्तमेढ रोवली. पाश्चात्य विद्या व शिक्षण आत्मसात करून ‘दर्पण’च्या माध्यमातून बाळशास्त्री जांभेकरांनी समाजात नवीन जीवनमुल्ये रूजविली. त्यांच्या या कार्याची आठवण म्हणून 6 जानेवारी हा दिवस महाराष्ट्र शासन ‘मराठी पत्रकार दिन’ म्हणून साजरा करतो.
