मतदार यादीतील स्वत:ची ओळख प्रमाणित करु या
नागपूर : भारत निवडणूक आयोगानी मतदार यादीशी आधार क्रमांक जोडण्याबाबत निवडणूक कायद्यामध्ये बदल केला असून याचा उद्देश कायदेशिर तरतूदीस अनुसरुन असून मतदारांची ओळख प्रस्थापित करणे आणि मतदार यादीतील नोंदीचे प्रमाणिकरण करणे, एकापेक्षा जास्त मतदारसंघात किंवा एकापेक्षा जास्त वेळा त्याच मतदारसंघात एकाच व्यक्तींच्या नावाची नोंदणी ओळखणे हा आहे.
मतदारांचे ओळखपत्र आधार कार्ड क्रमांकाशी जोडणीसाठी नमूना 6-ब या अर्जाचे वाटप संबंधित मतदार केंद्रस्तरीय अधिकारी यांचे मार्फत 23 सप्टेंबरपर्यंत करण्यात येणार असून मतदारांनी या नमून 6-ब मधील अर्ज निट भरुन संबंधित मतदान केंद्रस्तरीय अधिकारी यांचेकडे 24 सप्टेंबरपूर्वी जमा करावे.
मतदारांना भारत निवडणूक आयोग यांचे nvsp.in या संकेतस्थळाला भेट देवून अथवा आपले मोबाईलमध्ये Voter Helpline App डाऊनलोड करुन स्वत:ची आय.डी. तयार करुन आधार कार्ड क्रमांकाशी मतदान कार्डाची जोडणी करुन घ्यावी.
भारत निवडणूक आयोगामार्फत आधार कार्ड जोडणीला दुहेरी सुरक्षा देण्यात येणार आहे. त्यामुळे मतदारांनी निसंकोच आपले आधार कार्ड मतदान कार्डशी जोडणी करुन घ्यावी, असे आवाहन जिल्हाधिकारी तथा जिल्हा निवडणूक अधिकारी डॉ. विपीन इटनकर यांनी केले आहे.
