अमरदिप बडगे , प्रतिनिधी
गोंदिया – हैद्राबाद येथून धनबादला जाणाऱ्या गर्भवती महिलेला गाडीतच प्रसववेदना झाल्याने गोंदियातील रेल्वे सुरक्षा बलाच्या जवानांच्या मदतीने तिला उपचारासाठी गोंदियात उतरवून येथील बाई गंगाबाई स्त्री रुग्णालयात दाखल करण्यात आले.
रेल्वेच्या सुरक्षा बल जवानांना सुरक्षा नियंत्रण कक्षाकडून माहिती मिळाली कि गाडी क्रमांक १७००७ सिकंदराबाद एक्स्प्रेस मधिल महिला प्रवासाला प्रसववेदना धावत्या गाडीतच सुरु झाल्या आहेत. माहिती मिळाल्यानंतर पोलीस प्रभारी व्ही. के तिवारी यांच्या नेतृत्वात महिला पोलीस शिपाई ज्योती बाला यांनी गाडीचे एसई -१ कोच गाठले व त्या महिलेला कुशलतेने गाडीतून उचलुन खाली उतरविले. वेळीच काळजी घेत रुग्णवाहिका तत्काळ बोलावून बाई गंगाबाई रुग्णालय दाखल करण्यात आले सरिता दिलीप सोनी २२ वर्ष असे त्या गर्भवती महिलेचे नाव असुन तिच्या सोबत तिचा पती होता.
