कामठी – जुनी कामठी पोलीस ठाणे हद्दीतील कामठी- खापरखेडा मार्गावर कामठी वरून खापरखेडा कडे जात असलेल्या मारोती व्हेन ने जबर धडक दिल्याने मोटारसायकलवरील तरुण जागीच ठार झाला तर चालक तरुण गंभीर असल्याची घटना सकाळी 11 वाजता सुमारास घडली . जुनी कामठी पोलिसांनी दिलेल्या माहितीनुसार भरत सुरेश हरोडे वय 23 राहणार बिनाकी मंगळवारी नागपूर व त्याचा चुलत भाऊ पंकज यदुनाथ हारोडे वय 36 हे दोघेही मोटरसायकल क्रमांक एम एच 49 बी टी 4127 ने सुरादेवी कोराडी वरून खापरखेडा मार्गे कामठी कडे येत असतांना कामठी खपरखेडा मार्गावरील सैनिक प्रशिक्षण केंद्रा जवळ भांडाऱ्या वरून वाकी येथे वाटर पार्कला पिकनिक करिता जात असलेली मारुती व्हाण क्रमांक एम एच 34 बीएफ 1973 चा चालकाने निष्काळजीपणाने चालवून जबर धडक दिल्याने मोटारसायकल वर मागे बसलेला पंकज यदुनाथ हारोडे वय 36 हा घटनास्थळीच मरण पावला तर मोटारसायकल चालक भरत सुरेश खारोडे वय 23 हा गंभीर असून त्याला कामठी नागपूर मार्गावरील खासगी रुग्णालयात उपचारासाठी भरती करण्यात आले आहे.
अपघाताची माहिती मिळताच जुनी कामठीचे पोलीस उपनिरीक्षक नितीन मदनकर, हेडकॉन्स्टेबल अरविंद साखरे गोपाल टिके घटनास्थळी जाऊन पंचनामा करून मृतदेह उत्तरीय तपासणी करिता कामठी उपजिल्हा रुग्णालयात पाठविले अपघात होताच मारुती व्हेन मधील पाच तरुण पसार झालेला अपघात इतका जबर होता की दोन्ही गाड्याळाचा चुराडा झाला जुनी कामठी पोलीस स्टेशनला मारुती व्हॅन चालक विकास प्रकाश मानकर वय 22 राहणार शास्त्री चौक भंडारा यांचे विरोधात कलम 279 ,338, 304, (अ) भादवी नुसार गुन्हा दाखल करून अटक केली असून पुढील तपास पोलीस उपनिरीक्षक नितीन मदनकर करीत आहेत.
