संदीप कांबळे, विशेष प्रतिनिधी
कामठी ता प्र 25 :- कोरोना महामारीच्या संकटातून सावरून घराघरात दिवाळीचा सण साजरा करण्यात आला मात्र नवीन कामठी पोलीस स्टेशन ला कार्यरत असलेले पोलीस उपनिरीक्षक किशोर मोतींगे व त्यांच्या कुटुंबीयांनी मात्र सामाजिक बांधिलकी जपत कामठी येथील अनाथलयातील मुलांसोबत दिवाळी साजरी करून त्यांच्या जीवनात दिवाळीचा आनंद फुलविला.
कामठी रेल्वे स्टेशन समोरील सर कस्तुरचंद डागा बाल सदन अनाथालय कामठी येथील मुलांना पोलीस उपनिरीक्षक किशोर मोतींगे व त्यांच्या कुटुंबीयांनी दिवाळीचे फराळासह फटाके वितरण केले यावेळी संस्थेकडून पोलीस कुटुंबियांचे आभार मानण्यात आले.