संदीप कांबळे, विशेष प्रतिनिधी
कामठी :- नाशिक येथील काळाराम मंदिर येथे आक्षेपार्ह पत्राच्या माध्यमातुन दलित समाजाच्या भावना दुखवण्याचे प्रयत्न करण्या-या आरोपिंना अटक करण्यात आले असले तरी अशा पध्दतीची घटना दुर्देवी असुन मी त्याचा निषेध करते. अश्या भावना माजी राज्यमंत्री व बहुजन रिपब्लिकन एकता मंचच्या संस्थापिका ॲड. सुलेखा कुंभारे यांनी व्यक्त केल्या.
या प्रकरणात सखोल चौकशी करून प्रत्यक्ष व अप्रत्यक्ष सहभागी झालेल्या सर्व लोकांवर कायदेशीर कारवाई करून कठोर शिक्षा देण्यात यावी व अशा घटनांची पुनरावृत्ति होवू नये याची दक्षता घ्यावी. असे निवेदन ॲड. सुलेखा कुंभारे यांनी महाराष्ट्र राज्याचे गृहमंत्री यांना केले आहे.
