– ठिकठिकाणी झाले रथाचे स्वागत
– हरे कृष्ण महामंत्राच्या जयघोषाने संपूर्ण परिसर दुमदुमला
नागपूर :- आंतरराष्‍ट्रीय कृष्ण भावनामृत संघ (इस्कॉन) चे संस्थापकाचार्य ए. सी. भक्तिवेदांत स्वामी श्रील प्रभुपाद यांचे प्रिय शिष्य श्रील लोकनाथ स्वामी महाराज यांच्या मार्गदर्शनात इस्कॉनचे नागपूर सेंटर श्री श्री राधा गोपीनाथ मंदिर, एम्प्रेस मॉलच्या मागे गांधी सागर येथे इस्कॉन जगन्नाथ रथयात्रेचे आयोजन करण्यात आले.
पहाटे 4.30 वाजता मंगल आरतीने कार्यक्रमाला प्रारंभ झाला. त्यानंतर नृसिंह आरती, तुळशी आरती, श्रृंगार आरती व गुरुपूजा करण्यात आली. सकाळी 9.30 वाजता भगवान श्री जगन्नाथ भाई बलभद्र आणि बहन सुभद्रा यांना श्री श्री राधा गोपीनाथ मंदिरात 56 भोग अर्पण करण्यात आला. त्यानंतर तीन विग्रह व श्रील प्रभुपाद यांना तेथून स्वतंत्र मर्सि‍डीज कारमधून पोद्दारेश्वर राम मंदिर (मेयो हॉस्पिटल चौक) येथून निघालेल्या रॅलीत आणण्यात आले. तेथे भगवान श्री जगन्नाथजी यांसारख्‍या इतर सर्व देवतांना एका विशाल रथावर विराजमान करण्यात आले.
जगन्नाथ रथयात्रा कार्यक्रमाचे प्रमुख पाहुणे म्हणून लोकनाथ स्वामी महाराज यांचे संन्यासी शिष्य अमेरिकेहून आलेले एच.जी. श्रीकृष्ण चैतन्य स्वामी महाराज यांच्या सान्निध्यात भगवान श्री जगन्नाथाला ५६ भोग अर्पण करण्यात आला. त्यानंतर सर्व विशेष पाहुण्यांच्या हस्ते भगवंताची आरती करण्यात आली. 
आरतीनंतर श्रीकृष्ण चैतन्य स्वामी महाराज यांनी नारळावर कर्पूर ठेवून रथाची आरती केली व रथासमोर नारळ फोडून यात्रेचा विधिवत शुभारंभ करण्यात आला. त्यानंतर सर्व विशेष पाहुण्यांनी रथासमोर नारळ फोडले. यावेळी माजी महापौर दयाशंकर तिवारी, जयप्रकाश गुप्ता, वैद्यनाथचे सुरेश शर्मा, रामसन्सचे रामस्वरूप सारडा, इन्‍कम टॅक्स ट्रिब्यूनल जज सुधांशुकुमार रॉय, अड. मनोज मुरानी, अनुरूपा रॉय, धर्मपाल अग्रवाल, अशोक गोयल, अजय अग्रवाल, अनिल अग्रवाल, दीपेन अग्रवाल, कंपनी सचिव रामानुज असावा, सीमा अग्रवाल माताजी, मोहता माताजी, नितेश कुमार, कमलेश ठवकर, अनिता परवानी माताजी, श्रीराम बेजलवार, हर्ष अग्रवाल, नायर माताजी, विद्या ललित मोहन माताजी, रमेश जुगुले, अविनाश शिंदे, अशोक धापोडकर आदींनी रथसमोर स्‍वर्ण झाडू लावून रथयात्रेचा मार्ग मोकळा केला. नित्यानंद चैतन्य प्रभू यांनी अतिशय सुंदर पद्धतीने ही घोषणा केली. हजारो भाविकांनी दोन्ही बाजूंनी बांधलेली दोरी ओढून रथयात्रेला सुरुवात केली.
इस्कॉन नागपूरचे प्रवक्ते डॉ. श्यामसुंदर शर्मा यांनी सांगितले की, सपूर्ण मार्गावर भाविकांनी ‘हरे कृष्ण हरे कृष्ण कृष्ण कृष्ण हरे हरे’ हरे। हरे राम हरे राम राम राम हरे हरे।। या हरे कृष्ण महामंत्राचा कीर्तन केला. या कीर्तनाने सगळा परिसर दुमदुमून गेला आणि कृष्णमय झाला. रथयात्रा मार्गावर चौकांमध्ये रथयात्रेचे भव्य स्वागत करण्यात आले. भाविकांसाठी प्रसादाचीदेखील व्यवस्था करण्यात आली होती. गीतांजली टॉकीज चौकातील संजय बालपांडे, तिरुपती इलेक्ट्रिकल्सचे राजेश अग्रवाल, अग्रसेन चौकात महेश प्रभू, स्वप्निल खापरे, बिंदेश अग्रवाल, राजेंद्र शर्मा, संदीप अग्रवाल, दीप्ती अग्रवाल, अग्रवाल समाज टीम, कैलास अग्रवाल, मोहम्मद अली काटावाला, श्याम मिल स्टोअरचे अग्रवाल, बॉम्बे पाइप्सचे आनंद कारिया, गांधीबाग, नंगा पुतळा, सराफा बाजार, टांगा स्टँड, चिटणीस पार्क, थाडेश्वरी राम मंदिर, अग्याराम देवी चौक आदी ठिकाणी नरेंद्र बोले, नितीन खेतान, नितीन खुंगर, रोहित रांधड, सुरेश कुमार, आशिष प्रभू, प्रशांत मोहबे, संजय बालपांडे, राजेश अग्रवाल, किरण व विजय सराफ, हरी लीला जेम कंपनी, आशीष खंडेलवाल, प्रकाश कुरुडे, विजय सोनी, अभिषेक अग्रवाल, ज्ञानेश्वर काटोले, गिरधारी कड़िया, चेतन प्रकाश, अजय जयस्‍वाल, रवी मेहाड़िया, अश्विन बालानी, विकाश गुप्ता, डॉ अंशुल चड्ढा, अभिमन्यु पूरी, सौरभ गोएंका आदि अनेक भक्तांनी भगवान श्री जगन्नाथांची आरती, स्वागत स्वल्पाहार, पाणी आदि व्यवस्था केली.
या रथयात्रेने अग्यारम देवी चौक, कॉटन मार्केट चौक, फूले मार्केट मार्गे एम्प्रेस मॉल च्या गेट नंबर 3 मधून मंदिरात प्रवेश केला. येथे पोहचल्‍यानंतर प्रथम गौर आरती करण्यात आली व त्यानंतर भगवान जगन्नाथ जींना छप्पन भोग अर्पण करून महाआरती करण्यात आली. शेवटी महाप्रसादाचे आयोजन करण्यात आले होते.
– डॉ. श्यामसुंदर शर्मा
प्रवक्ता इस्कॉन नागपूर
