मुंबई :- माहिती व जनसंपर्क महासंचालनालय निर्मित ‘दिलखुलास’ कार्यक्रमात अमृत संस्थेमार्फत राबविण्यात येणाऱ्या योजना आणि उपक्रम या विषयावर महाराष्ट्र संशोधन, उन्नती व प्रशिक्षण प्रबोधिनी (अमृत) संस्थेचे व्यवस्थापकीय संचालक विजय जोशी यांची मुलाखत प्रसारित होणार आहे.
राज्य शासनाने खुल्या प्रवर्गातील आर्थिकदृष्ट्या दुर्बल घटकातील युवक व युवतींना शैक्षणिकदृष्ट्या व आर्थिकदृष्ट्या सक्षम करण्यासाठी धोरणात्मक निर्णय घेतला. यासाठी महाराष्ट्र संशोधन उन्नती व प्रशिक्षण प्रबोधिनी म्हणजेच ‘अमृत’ या स्वायत्त संस्थेची स्थापना करण्यात आली. या संस्थेची कार्यपद्धती तसेच विद्यार्थ्यांच्या सर्वांगिण विकासासाठी करण्यात येत असलेले प्रयत्न याबाबत संस्थेचे व्यवस्थापकीय संचालक जोशी यांनी ‘दिलखुलास’ कार्यक्रमात माहिती दिली आहे.
‘दिलखुलास’ कार्यक्रमात ही मुलाखत सोमवार, दि. 23, मंगळवार दि.24 आणि बुधवार दि.25 सप्टेंबर 2024 रोजी सकाळी 7.25 ते 7.40 या वेळेत आकाशवाणीच्या सर्व केंद्रांवरून व ‘न्यूज ऑन एआयआर’ या मोबाईल ॲपवर प्रसारित होणार आहे. निवेदक श्रीदत्त गायकवाड यांनी ही मुलाखत घेतली आहे.
