अवैध सागवान तस्करी रोखण्यासाठी आंतरराज्यीय (महाराष्ट्र-तेलंगाना) समन्वय सभेचे आयोजन संपन्न

गडचिरोली :- दिनांक 06 एप्रिल 2023 रोजी सिरोंचा वनविभाग अंतर्गत विभागीय कार्यालय येथील प्राणहिता सभागृहमध्ये साग तस्करी व अवैध वाहतुकीवर आळा घालण्यासाठी आंतरराज्यीय (महाराष्ट्र- तेलंगाना) समन्वय सभेचे आयोजन करण्यात आलेले होते. तस्कर महाराष्ट्रातील सागवान माल अवैध वृक्षतोड करुन गोदावरी नदीपात्रातुन तेलंगाना राज्यात पाठवित असतात आणि तोच सागवान माल उचलून तेलंगानीत तस्कर रस्ता मार्गे त्याची इतरत्र ठिकाणी विक्री करित असतात, ‘त्यामुळे सागवान तस्करीवर आळा घालणे गरजेचे असल्यामुळे सिरोंचा वनविभागाचे पुढाकारातुन, आंतरराज्यीय (महाराष्ट्र-तेलंगाना) समन्वय सभेचे आयोजन करण्यात आले. समन्वय सभेमध्ये अवैध सागवान तस्करीवर चर्चा आणि तस्करीवर आळा घालण्यासाठी दोन्ही राज्यांनी मिळून उपाययोजना कशा पद्धतीने करता येईल यावर सविस्तर मार्गदर्शन अधिकारी यांनी केले. तसेच गुप्त बातमीचे जाळे पसरवून दोन्ही राज्यातील वनकर्मचारी यांचे व्हॉट्सप ग्रुप तयार करुन ज्या मार्गाने मोठ्या प्रमाणात अवैध वाहतूक होते, त्या मार्गावर सागवान तस्करी रोखण्यासाठी वनकर्मचारी यांचे संयुक्त गस्त मोहीम राबविण्याबाबत सभेमध्ये चर्चा करण्यात आली. तसेच अवैध सागवान तस्करी रोखण्यासाठी स्थानिक लोकांकडून वनकर्मचारी यांना कोणत्या प्रकारच्या समस्या येतात आणि त्या समस्या सोडविण्याकरिता कोणत्या प्रकारच्या उपाययोजना करावयाचे आहेत, याबाबत सुध्दा चर्चा करण्यात आले. तसेच सभेमध्ये बी. लावण्या, IFS, District Forest officer, जयशंकर भुपालपल्ली (T.S) यांनी महाराष्ट्रातुन तस्करी होवून कुठे-कुठे सागवान माल लपवून ठेवला जावू शकतो अशा सर्व ठिकाणाची माहिती त्यांनी दिली. तसेच अवैध वाहतुक होणार नाही, याकरिता तेलंगानाच्या बाजुला जे चोरवाटांचे रस्ते आहेत, अशा रस्त्यांवर वनउपज तपासणी नाक्याची निर्मीती करण्यात येईल याबाबत सांगीतले.

आंतरराज्यीय समन्वय सभेमध्ये तेलंगानातील बी. लावण्या, IFS, District Forest officer, जयशंकर भुपालपल्ली (T.S) तसेच सी. वज्रारेड्डी, FDO, एम. कमला, RFO, व्येकंटेश्वर राव RFO आणि वनपाल व वनरक्षक उपस्थित होते. तसेच सिरोंचा वनविभागातील पूनम पाटे, IFS, उपवनसंरक्षक, सिरोंचा वनविभाग सिरोंचा, पी.एम. पाझारे, वपअ सिरोंचा, आर. एम.तोकला, वपअ आसरअल्ली, चिलकर, वपअ विशेष सेवा आसरअल्ली आणि वनपाल व वनरक्षक असे दोन्ही राज्यातील मिळून एकूण 50 अधिकारी/कर्मचारी उपस्थित होते. असे उप वनसंरक्षक सिरोंचा वनविभाग, सिरोंचा पूनम पाटे यांनी कळविले आहे.

Contact us for news or articles - dineshdamahe86@gmail.com

NewsToday24x7

Next Post

फूटाळा मंदीर में मनाई हनूमान जयंती 25 साल से चल रही आतराम परिवार द्वारा परंपरा

Sat Apr 8 , 2023
सौरभ पाटील, प्रतिनिधी  वाडी :- अमरावती राजर्माग स्थित न्यू फूटाळा गली नं ७ मे धुमधाम से हनूमान जयंती मनाई गई၊ बताया जाता है की आतराम परिवार के स्व. नारायण आतराम द्वारा इस मंदीर की स्थापना कि गई थी၊हर साल की तरह इस वर्ष भी आतराम परिवार द्वारा बडी धूमधाम से हनुमान जयंती मनाई गई၊ गत 25 साल से यह परंपरा […]

You May Like

Latest News

The Latest News

Social Media Auto Publish Powered By : XYZScripts.com
error: Content is protected !!