नागपूर : भारताच्या पहिल्या व एकमेव महिला पंतप्रधान ‘भारतरत्न’, ‘शक्ती स्वरूप’ इंदिरा गांधी (१९ नोव्हेंबर १९१७ – ३१ ऑक्टोबर १९८४) यांची १०५वी जयंती आज शनिवार, दिनांक १९ नोव्हेंबर रोजी सदर स्थित नागपूर सुधार प्रन्यासच्या मुख्यालयात साजरी करून राष्ट्रीय एकात्मतेची शपथ घेण्यात आली. ‘नामप्राविप्र’चे अपर महानगर आयुक्त अविनाश कातडे यांच्याहस्ते इंदिरा गांधी यांच्या प्रतिमेला माल्यार्पण करून विनम्र अभिवादन करण्यात आले. यावेळी ‘नासुप्र’मध्ये आस्थापना अधिकारी विजय पाटील, सहाय्यक अभियंता झोडे, सहायक आस्थापना अधिकारी डे आणि शाखा अधिकारी बुरले तसेच ‘नासुप्र’ व ‘नामप्रविप्रा’चे इतर अधिकारी/कर्मचारी उपस्थित होते.
