मी अजून 8 महिने…; निवडणुकांआधी मुख्यमंत्री शिंदे यांचं मोठं विधान

ठाणे :- निवडणुका काही महिन्यांवर आहेत. अशाच विविध घडामोडी घडत आहेत. मुख्यमंत्री एकनाथ शिंदे यांच्या उपस्थितीत काही पक्षप्रवेश पार पडले. वरळी, पालघर, भिवंडी या भागातील नेत्यांनी मुख्यमंत्री एकनाथ शिंदे यांच्या नंदनवन या निवासस्थानी शिवसेनेत प्रवेश केला. तेव्हा एकनाथ शिंदे यांनी उपस्थितांना संबोधित केलं. निवडणुकांच्या पार्श्वभूमीवर त्यांनी महत्वपूर्ण विधान केलं. मी अजून 8 महिने आहे. म्हणून आपल्याला फिरावं लागणार आहे, असं एकनाथ शिंदे म्हणाले. शिवसेना पक्षात नव्याने दाखल झालेल्या लोकांचंही एकनाथ शिंदेंनी स्वागत केलं.

पक्षात दाखल झालेल्यांचं शिंदेंकडून स्वागत

आज दोन प्रवेश झाले आहेत वरळी आणि पालघर मधून अनेक जणांनी प्रवेश केला आहे. अतिशय कमी वेळात प्रवेश झाला. तुम्ही जो विश्वास दाखवला तो मी पूर्ण करेल. आम्ही राज्यात जो विकास केला. त्यामुळे विश्वासाने तुम्ही आज शिवसेनेत प्रवेश केला आहे. पालघरचा विकास करणार आहेत. पालघर जिल्ह्यातील सगळ्यांना नोकरी मिळाली पाहिजे यासाठी काम करतो. मोठ्या प्रमाणावर आदिवासी समाज मुख्य प्रवाहात आला पाहिजे. यासाठी आपण वर्सोवा ते विरार आणि विरार ते पालघरपर्यंत रस्ता करणार आहोत, असं म्हणत एकनाथ शिंदे यांनी पक्षात प्रवेश केलेल्यांचं स्वागत केलं.

सगळ्यांना रोजगार आणि हाताला काम मिळाले पाहिजे, यासाठी काम करत आहे. अडीच वर्षांत जर काम थांबले होते ते दीड वर्षात पूर्ण करत आहेत. महाराष्ट्रात उद्योग नंबर एकवर करणार आहे. मोठ्या प्रमाणावर विकास होत आहे, असं एकनाथ शिंदे यांनी म्हटलं.

Contact us for news or articles - dineshdamahe86@gmail.com

NewsToday24x7

Next Post

हातमाग महामंडळाने डिजिटल मार्केटिंगकडे वळावे - गोरक्ष गाडीलकर 

Fri Jan 5 , 2024
नागपूर :- हातमाग महामंडाळाची उत्पादने जास्तीत जास्त लोकांपर्यंत पोहोचण्यासाठी डिजिटल मार्केटिंगवर जास्त भर देण्याचे आवाहन वस्रोद्योगआयुक्त गोरक्ष गाडीलकर यांनी आज केले. महाराष्ट्र राज्य हातमाग महामंडळाची उत्पादने विक्रीसाठी स्वाईप मशीनमधील ऑनलाईन सॉफ्टवेअर चे उद्घाटन गाडीलकर यांच्या हस्ते करण्यात आले. यावेळी ते बोलत होते. हातमाग महामंडळाचे सहव्यवस्थापकीय संचालक विजय निमजे, वस्रोद्योग सहआयुक्त निशा पाटील, आयसीआयसीआय बँकेचे विभागीय प्रमुख सचिन भाके यावेळी उपस्थित […]

You May Like

Latest News

The Latest News

Social Media Auto Publish Powered By : XYZScripts.com
error: Content is protected !!