नागपूर :- पश्चिम नागपूरचे आमदार आणि नागपूर शहर (जिल्हा) काँग्रेस कमिटीचे अध्यक्ष विकास ठाकरे यांची वाढती लोकप्रियता आणि नागरिकांचा वाढता पाठिंबा पाहता, पश्चिम नागपूरमधील विविध राजकीय पक्षांचे नेते आता काँग्रेसमध्ये सहभागी होत आहेत. आज (02-09-2024) राष्ट्रवादी काँग्रेस पक्षाचे नेते शैलेश पांडे यांनी काँग्रेसमध्ये प्रवेश केला. विकास ठाकरे आणि अन्य काँग्रेस नेत्यांनी पांडे यांचे काँग्रेस परिवारात जल्लोषात स्वागत केले.
शैलेश पांडे हे राष्ट्रवादी काँग्रेस पक्षाच्या विभाजनापूर्वी पश्चिम नागपूर विभागाचे अध्यक्ष होते. त्यांच्या सोबत मोठ्या संख्येने समर्थक देखील काँग्रेसमध्ये सामील झाले आहेत. पांडे आणि त्यांच्या समर्थकांच्या या काँग्रेस प्रवेशामुळे पश्चिम नागपूरमधील काँग्रेस पक्षाला आणखी बळकटी मिळेल.
गेल्या पाच वर्षांत पश्चिम नागपूरचा सर्वाधिक विकास झाला. ठाकरे यांनी पश्चिम नागपूरमधील नागरिकांना आवश्यक त्या मूलभूत सुविधांच्या विकासासाठी मोठे प्रयत्न केले आहेत. त्यामुळे पश्चिम नागपूरमधील अधिकाधिक नागरिक आणि विविध राजकीय पक्षांचे नेते ठाकरे यांच्या सोबत जोडले जात आहेत.
काही दिवसांपूर्वीच, पश्चिम नागपूरचे दोनदा नगरसेवक राहिलेले डॉ. प्रशांत चोप्रा यांनी भारतीय जनता पक्षाचा त्याग करून काँग्रेसमध्ये प्रवेश केला होता. त्याआधी, पश्चिम नागपूरमधील आणखी काही भाजपा नेतेही काँग्रेसमध्ये सामील झाले होते. काही महिन्यांपूर्वी, आम आदमी पक्षाच्या पश्चिम नागपूर विभागाचे अध्यक्ष अभिजीत झा यांनी देखील काँग्रेसमध्ये प्रवेश केला होता.
