मुंबई :- शिवसेना ( ठाकरे गट ) आमदार आणि उद्धव ठाकरे यांचे विश्वासू रवींद्र वायकर यांच्या घरी सक्तवसुली संचलनालयाने ( ईडी ) धाड टाकली आहे. ईडीच्या पथकाने मंगळवारी सकाळी सुमारास रवींद्र वायकर यांच्या घरी धाड टाकली. ईडीच्या पथकात १० ते १२ अधिकाऱ्यांचा समावेश असल्याचं सांगितलं जात आहे.
जोगेश्वरी भूखंड घोटाळ्याप्रकरणी ईडीनं रवींद्र वायकर यांच्या घरी धाड टाकल्याचं सांगितलं जात आहे. मंगळवारी सकाळी साधारण साडेआठच्या सुमारास ईडीचं पथक रवींद्र वायकर यांच्या घरी पोहोचले. त्यानंतर ईडीच्या १० ते १२ जणांच्या पथकानं झाडाझडती सुरू केली आहे. तसेच, वायकरांशी संबंधित सात ठिकाण्यांवर ईडीकडून छापेमारी करण्यात आली आहे.