संदीप कांबळे, विशेष प्रतिनिधी
कामठी :- स्थानिक जुनी कामठी पोलीस स्टेशन हद्दीत येणाऱ्या हमालपुरा येथे मोलमजुरी करून घरी परत येत असलेल्या 60 वर्षीय रेखा बोरकर नामक महिलेची दिवसाढवळ्या सोनसाखळी हिसकावून पळ काढल्याची घटना मागील महिन्यात 21 एप्रिल ला घडली असता यातील आरोपीचा शोध घेण्यात जुनी कामठी पोलिसांना यशप्राप्त झाले असून या घटनेला विराम मिळत नाही तोच या घटनास्थळाच्या कडेला असलेल्या हरदास नगर येथे चहांदे कुटुंबात लग्न कार्यक्रमात सहभागी व्हायला आलेल्या एका 74 वर्षोय वृद्ध महिलेची दीड तोळ्याची सोनसाखळी एका 25 वर्षीय अज्ञात तरुणाने हिसकावून पळ काढल्याची घटना घडली असून यासंदर्भात पीडित फिर्यादी 74 वर्षीय महिला शोभा गणवीर रा वरठी भंडारा ने जुनी कामठी पोलीस स्टेशन ला तक्रार नोंदविली असून पुढील तपास सुरू आहे.
