– घराच्या छताला घेतला गळफास
रामटेक – रामटेक पोलिस स्टेशन अंतर्गत येणाऱ्या रामटेक तुमसर मार्गावरील शिवनी भोंडकी येथिल १८ वर्षिय गुरूदेव कैलाश मेहर याने घरातील छताला गडफास लाऊन आत्महत्या केल्याची घटना घडली आहे.
गुरूदेव कैलाश मेहर वय वर्षे १८ रा.शिवनी भोंडकी हा समर्थ हायस्कुल मध्ये इयत्ता १२ वी इलेक्ट्रिक ट्रेड मध्ये शिक्षण घेत होता. गुरूदेव चे वडिल हे ड्रायव्हर चे काम करित असून गुरूदेव लहान भाऊ व आई सोबत स्वताच्या शेतातील मिरची तोडण्याकरीता गेला होता. दुपारच्या सुमारास मृत गुरूदेव घरी जेवन करण्यासाठी घरी जातो असे आईला सांगुन घरी परतला पण मुलगा शेतात परत वापस न आल्यामुळे सायंकाळच्या सुमारास आई व लहान भाऊ घरी आल्यावर दाराला आत मधुन साखळी लावली दिसली. दरम्यान आवाज दिले असता आतुन काहिच आवाज आला नाही. तेव्हा खिडकीतून डोकाऊन बघितले असता गुरूदेवचा मृतदेह छताला गडफास घेऊन लटकला असलेला दिसला. मृत्युचे कारण अद्यापही समजले नाही. अधिक तपास रामटेक पोलिस करीत आहे.
