योगासन मध्ये अमित, युनिटी स्पोर्ट्स अजिंक्य – खासदार क्रीडा महोत्सव योगासन स्पर्धा

नागपूर :- केंद्रीय मंत्री नितीन गडकरी यांच्या संकल्पनेतून साकार झालेल्या खासदार क्रीडा महोत्सवातील योगासन स्पर्धेमध्ये अमित स्पोर्ट्स असोसिएशन आणि युनिटी स्पोर्ट्स असोसिएशनने अजिंक्यपद प्राप्त केले. मुले आणि मुलींच्या गटात दोन्ही संघांनी सर्वोत्कृष्ट प्रदर्शनातून यश मिळविले. रेशीमबाग येथील कविवर्य सुरेश भट सभागृहामध्ये ही स्पर्धा पार पडली.

मुलांच्या गटात सर्वाधिक ३५ गुण प्राप्त करुन अमित स्पोर्ट्स अकादमीने प्रथम क्रमांक पटकाविला. तर २५ गुणांसह नेहरू क्रीडा मंडळाने दुसरा क्रमांक आणि १५ गुणांसह यूनिटी स्पोर्ट्स असोसिएशनने तिसरा क्रमांक प्राप्त केला.

मुलींच्या स्पर्धेत यूनिटी स्पोर्ट्स असोसिएशनने सर्वाधिक ५० गुण प्राप्त करुन बाजी मारली. अमित स्पोर्ट्सला ४५ गुणांसह दुसऱ्या स्थानावर समाधान मानावे लागले. १० गुणांसह वाय.के. ग्रूपने तिसरे स्थान प्राप्त केले.

स्पर्धेतील सर्व विजेत्यांना मान्यवरांच्या हस्ते पुरस्कार प्रदान करण्यात आले. यावेळी खासदार क्रीडा महोत्सवाचे सहसंयोजक संदेश खरे, समन्वयक भगवान मेंढे, प्रणय कांगले, अमित मोहगावकर, भूषण टाके आदी उपस्थित होते.

Contact us for news or articles - dineshdamahe86@gmail.com

Next Post

राष्ट्रपिता महात्मा गांधी पुण्यतिथी तथा हुतात्मा दिनानिमित्त अभिवादन

Fri Jan 31 , 2025
चंद्रपूर :- शहर महानगरपालिकेच्या वतीने अतिरीक्त आयुक्त चंदन पाटील व उपायुक्त मंगेश खवले यांच्या हस्ते राष्ट्रपिता महात्मा गांधी यांच्या पुण्यतिथीनिमित्त गुरुवार 30 जानेवारी रोजी आदरांजली वाहण्यात आली. त्याचप्रमाणे देशाच्या स्वातंत्र्यासाठी प्राणार्पण केलेल्या हुतात्म्यांना हुतात्मा दिनानिमित्त पुष्पचक्र अर्पण करून व 2 मिनिटे मौन पाळून अभिवादन करण्यात आले. गांधी चौक येथील महानगरपालिका कार्यालय परिसर व जटपुरा गेटसमोरील राष्ट्रपिता महात्मा गांधी यांच्या पुतळ्याला […]

You May Like

Latest News

The Latest News

Social Media Auto Publish Powered By : XYZScripts.com
error: Content is protected !!