नागपूर :- पाचपावली पोलास पथकाचे अधिकारी व अंमलदार हे पोलीस ठाणे हद्दीत पेट्रोलींग करीत असतांना, बारसे नगर, सरकारी शौचालय जवळ, कलकत्ता रेल्वे लाईन जवळ, एक संशयीत ईसम पोलीसांना पाहुन पळण्याचे प्रयत्नात असतांना, त्यास घेराव टाकून ताब्यात घेतले. त्याचे नाव पत्ता विचारले असता, त्याने त्याचे नांव सतीष रतनलाल गौर, वय ३२ वर्षे, रा. ज्योती नगर खदान, डागा हॉस्पीटल मागे, तहसिल, नागपुर असे सांगीतले. त्याची अंगझडती घेतली असता, त्याचे जवळ एक जुनी लोखंडी तलवार किंमती अंदाजे ५००/- रू. ची मिळून आल्याने ती जप्त करण्यात आली. आरोपी हा घातक शस्त्र बाळगतांना समक्ष मिळून आल्याने, त्याने मनाई आदेशाचे उल्लंघन केल्याने, त्याचे विरूध्द पोलीस ठाणे पाचपावली येथे पोहवा. सगीर शेख यांनी दिलेल्या तक्रारीवरून पोउपनि, जाधव यांनी आरोपीविरूध्द कलम ४, २५ भा.ह.का., सहकलम १३५ म.पो.का. अन्वये गुन्हा दाखल करून, आरोपीस अटक केली आहे. पुढील तपास सुरू आहे.
