संदीप कांबळे, विशेष प्रतिनिधी
– शेकडो साधक – साधिकांनी घेतला ध्यान शिबीराचा लाभ
कामठी :- कामठी येथील विश्वविख्यात ड्रॅगन पॅलेस परिसरात असलेल्या ड्रॅगन पॅलेस विपस्सना मेडीटेशन सेंटर येथे रविवार दिनांक २४ मार्च २०२४ रोजी फाल्गुन पौर्णिमाच्या निमित्ताने सकाळी १०:०० ते सायंकाळी ४:०० वाजता पर्यंत एक दिवसीय विपस्सना ध्यान शिबीराचे आयोजन करण्यात आले होते. आचार्य यांनी सहभागी झालेल्या साधकांना मार्गदर्शन केले.
या शिबीरामध्ये ड्रॅगन पॅलेसच्या प्रमुख ॲड. सुलेखा कुंभारे, रेखा भावे, रजनी लिंगायत सह शेकडो साधकांनी सहभागी घेतला होता.
ड्रॅगन पॅलेस विपस्सना मेडीटेशन सेंटर मध्ये १० दिवसीय, ३ दिवसीय व दर पौर्णिमेला १ दिवसीय विपस्सना ध्यान शिबीराचे आयोजन नियमित केल्या जात असते. या शिबीरामध्ये मोठ्या प्रमाणात देशाच्या कानाकोपर्यातुन साधक सहभागी होवून ध्यान शिबीराचा लाभ घेत असतात. शिबीरामध्ये सहभागी होण्याकरिता ऑनलाइन रजिस्ट्रेशन करण्याची सुविधा उपलब्ध करण्याची सुविधा उपलब्ध करण्यात आली आहे. त्यामुळे मोठ्या प्रमाणात महाराष्ट्र राज्य व्यतिरिक्त इतर राज्यातुन सुध्दा साधकांना ड्रॅगन पॅलेस विपस्सना मेडीटेशन सेंटर मध्ये ध्यान करण्याची संधी मिळत असल्याची माहीती ड्रॅगन पॅलेस विपस्सना मेडीटेशन सेंटर च्या प्रमुख ॲड सुलेखा कुंभारे यांनी दिली….