![](https://newstoday24x7.com/wp-content/uploads/2024/06/BJP-Half-page_page-0001.jpg)
नागपूर :- नुकतेच गुरुवारला, नागपूर महानगरपालिका, शिक्षण विभाग व लीडरशिप फॉर इक्विटी यांच्या संयुक्त विद्यमाने आंचल गोयल, अति. आयुक्त मार्गदर्शनाखाली प्रस्तावित साधना सयाम शिक्षणाधिकारी यांचा निर्देशानुसार गुणवत्ताविकासाठी निवडक शिक्षकांचा व अधिकाऱ्यांचा अभ्यासदौरा आयोजित करण्यात आला होता. यावेळी सर्व शाळा निरीक्षक व शिक्षक मित्र अभ्यासदौऱ्यात उपस्थित होते. सदर अभ्यासदौरा सेवाग्राम येथील गांधीजींच्या मूल्य व तत्वावर आधारित नयी तालीम संस्थेद्वारे संचालित ओळखल्या जाणाऱ्या नावीन्य पूर्ण अश्या आनंद निकेतन शाळा येथे आयोजित करण्यात आला होता.
![](https://newstoday24x7.com/wp-content/uploads/2024/06/WhatsApp-Image-2024-06-06-at-16.46.34_c08487b5.jpg)
नवीन शैक्षणिक धोरण 2020 नुसार गुणवत्तापूर्ण शिक्षण नागपूर महानगरपालिकामध्ये राबविण्यास सुरुवात झाली आहे. तरी गुणवत्तापूर्ण शिक्षणासाठी शाळेतील उपक्रमांचे उत्कृष्टरित्या अंमलबजावणी व वेळोवेळी उपक्रमांचा सहनियंत्रण व मूल्यांकन यासाठी महानगरपालिकेद्वारे “शिक्षक मित्र” उपक्रमाची सुरुवात करण्यात आली आहे. शैक्षणिक पद्धत तथा उपक्रम समजून घेऊन शैक्षणिक उपक्रमांचे शाळास्तरावर प्रभावीपणे अंमलबजावणीच्या व नवाचाराद्वारे विविध शैक्षणिक उपक्रमाची सुरुवात करून गुणवत्तापूर्ण शिक्षणात भर घालण्याचा उद्देशाने एकदिवसीय अभ्यासदौरा आयोजित करण्यात आला होता. सदर अभ्यास दौऱ्यामध्ये शाळा निरीक्षक निवडक शिक्षक मित्र व LFE आणि आकांक्षा यांचे सभासद उपस्थित होते.