संदीप कांबळे, विशेष प्रतिनिधी
कामठी :- स्थानिक जुनी कामठी पोलीस स्टेशन हद्दीत येणाऱ्या कामठी नागपूर महामार्गावरील व्ही टी बार जवळ तीन तरुण हातात धारदार शस्त्र बाळगून कोणतातरी दखलपात्र गुन्हा करण्याच्या इराद्याने नियोजित असता गस्तीवर असलेल्या जुनी कामठी पोलिसांनी वेळीच या तरुणांना ताब्यात घेऊन त्याच्याकडील धारदार शस्त्र जप्त करीत त्याविरुद्ध भादवी कलम 4/25,भारतीय हत्यार कायदा,34,सहकलम 134,मपोका, सहकलंम 184/177 अनव्ये गुन्हा दाखल करून आरोपिकडून 2 लक्ष 5 हजार 200 रुपयांचा मुद्देमाल जप्त केल्याची यशस्वी कामगिरी मद्यरात्री दीड दरम्यान केली.
अटक तीन आरोपी कडून एक मोठा लोखंडी धारदार चाकू किमती 100 रुपये,एक लहान लोखंडी चाकु किमती 100 रुपये,वेगवेगळ्या कंपनीचे 5 मोबाईल किमती 1 लक्ष 55 हजार रुपये, हिरो स्प्लेंडर दुचाकी क्र एम एच 31 के आर 3497 किमती 50 हजार रुपये असा एकूण 2 लक्ष 5 हजार 200 रुपयांचा मुद्देमाल जप्त करण्यात आला.अटक तीन आरोपीमध्ये प्रिन्स सोनेकर वय 21 वर्षे रा जरीपटका नागपूर,नरेश ठाकरे वय 42 वर्षे रा कन्हान,आकाश गायकवाड वय 23 वर्षे रा येरखेडा कामठी असे आहे.
ही यशस्वी कामगिरी पोलीस उपायुक्त श्रवण दत्त ,एसीपी नलावडे यांच्या मार्गदर्शनार्थ वरिष्ठ पोलीस निरीक्षक दीपक भिताडे,पोलीस उपनिरीक्षक केरबा उर्फ आकाश माकने,डी बी स्कॉड चे दिलीप ढगे,श्रीकांत विष्णुरकर,धर्मेंद्र राऊत, अंकुश गजभिये यांनी केली असून पुढील तपास सुरू आहे.